Elidania Cijntje ta parti di e team di marketing di Sambil Corsou y el a splica cu Sambil ta entretenimento pa famia completo. Nan no ta focus riba un grupo so, sino e famia completo. Nan ta focus riba e turista, riba e personanan cu ta bin bishita y sigur e personanan cu ta bin bishita nan for di Aruba, cu Sambil tin hopi di ofrece. Nan no tin solamente shopping caminda cu por cumpra, pero pasa un atardi, un dia completo, agradabel den famia, come den e foodcourt, bishita e luganan di entretenimento, den un shopping mall completamente aire acondiciona. Pasa un atardi completo, den un esfera dushi y disfruta di Corsou tambe.
Tur cos
Si bo kier bin cumpra un ticket bo ta haya. Si bo kier cumpra paña bo ta haya, cuminda bo ta haya. Sambil ta focus un tiki riba e mercado mixto, caminda cu ta pone tur cos bao di un dak. Ta haya paña, servicio, tambe nan tin booth di Digicell cu a keda inaugura dialuna ultimo.
Orario
Sambil ta habri for di 10’or di mainta te cu anochi 9’or. Kiermen ta brinda mas oportunidad na e persona cu kier haci cosnan diferente, den un ora un tiki mas extendi. Tin biaha atardi un luga ta cera, bo no ta haya chens pa cumpra algo, of bay pa un servicio. Esey ta loke cu Sambil ta brinda pa e publico di Corsou, como tambe pa Aruba.
Turistanan
Sambil tin di tur parti di mundo cu ta acerca nan. Nan ta bay tin hopi proyecto grandi canando. Si sigui nan via rednan social por mira con grandi Sambil ta birando. Den dos aña y mey caba, nan a proba cu nan ta un shopping mall pa famia, pa Corsou y nan ta bin keda y ta habri tambe pa esnan di Aruba, cu ta bon bini na Sambil Corsou.
Actividad
Sambil no ta conoci solamente pa actividadnan den e mall, pero ta conoci tambe pafo. Tabata tin e concierto di Osuma parti pafo di Sambil, cual ta un parti hopi gusta tambe cu hende kier pone concierot riba e parkinglot banda patras. Parti paden tin awor aki e sendemento di luznan di pasco, nan decoracionnan di pasco, Sinterklaas, cual ta algo cu no por lubida riba dje. Mas cu 18 mil hende a bin caba. Pa dos aña nan tin e record eynan. Kier comparti cu e pueblo di Corsou, tur hende cu kier sinti nan keri den un seno familiar, nan ta bon bini na Sambil Corsou.
