Scol ta bayendo bon, segun director di EPI, Ryan Maduro. E ta sigui splica cu nan ta yegando mita di e aña escolar y tin basta proyecto na caminda, vooral den e parti tecnologico, innovacion di enseñansa, proyectonan grandi cu tin.
E ta tuma tempo, pasobra pa tin algo sostenibel, tin cu tuma tempo pa planifik’e, prome cu ehecut’e. Scol tin basta proyecto na caminda.
Necesidad
Necesidadnan semper tin. Un di e prioridadnan mas grandi cu tin awor aki, ta renobacion di enseñansa. E contenido di enseñansa. E opleidingnan ultimo biaha cu nan a haya un renobacion, ta na 2009. Pero a cuminsa cu un trayecto na 2014, cu ta yama “beroepskwalificatie structuur”, cu ta e renobacion di enseñansa. Na Hulanda ya caba e ta un realidad pa un paar di aña. Esey ta canando, pero no mesun lihe cu tabata kier. Pero si ta biento en popa pa haci esaki posibel pa e opleidingnan, spera pa 2020, caminda cu tin opleidingnan nobo y renoba, na colegio EPI.
Cambionan ta necesario
Educacion vooral riba nivel di beroepsonderwijs, mester ta algo dinamico. E beroepsschaal ta cambia cada rato. E trabao ta cambia cada rato y no por keda pega den e mesun opleiding. Ta yega un punto, y esey ta trahando riba un plataforma, cu tin cu conecta loke ta trata e beroepsveld, tur loke ta trata trabao, hunto cu scol. En realidad trabao tin cu duna e cuminda di kico ta bay tin aki cinco aña, pa por cuminsa prepara opleidingnan pa prepara profesionalnan, pa por yena e trabaonan.
Hopi biaha ta tende cu ta trece hendenan di afo. Pero si traha for di e perspectiva mas sostenibel, cu si sa cu lo bay tin 9000 camber di hotel aki cinco aña, mester tin opleidingnan den e unit cu ta preparando caba e profesionalnan pa yena den e funcionnan cu lo bay bin den un hotel.
Eynan ta caminda cu EPI kier yega, cu e beroepsveld ta papia cu nan y cu nan ta papia cu e beroepsveld, caminda cu ta logra desaroya programanan di capacitacion cu ta prepara e profesionalnan pa drenta den e trabaonan.
Demanda
E demanda tey den sentido pa e docentenan, e preparacion di e docentenan ta hopi importante. Esey tambe ta un di e focusnan pa e añanan cu ta bin. E preparacion y profesionalisacion di e docentenan. Tin cu corda cu nan ta hendenan cu a haya opleiding algun aña atras. Pero Maduro ta keda den continuamente keda refresca y keda trece cosnan nobo pa e docentenan tambe por tuma esaki, hib’e bek den nan les y haci innovacion den enseñansa.
Nan tambe tin hamber pa educa nan mes, pa mehora nan mes. Y esey ta caminda EPI kier bay.
Areanan cu no por haya trahado
E studiantenan tin biaha no ta gusta cierto trabaonan y no ta studia p’e, ciendo cu tin un demanda p’e. Of tin biaha nan a studia pa algo cu net esey no tin trabao p’e. Segun Ryan Maduro, un di e bentahanan di e opleidingnan di EPI ta, cu e ta duna un educacion general. Esey ta nifica cu e studiantenan, apesar cu a scoge pa un profesion, nan ta hopi multifacetico, multi inzetbaar. Tin studiantenan cu a caba un opleiding di Horeca of Welzijn, pero ta mira nan ta traha na banco. Pakico? Pasobra e base cu nan ta haya, ta prepara nan pa cualkier area, si nan por richt nan mes den e area cu nan a scoge. Esey no ta nifica cu ta e area ey so nan ta limita nan mes.
Nan por fit den cualkier otro area y na scol ta haci nan best. Tin casi 2000 studiante na scol y ta profesionalnan cu aki rato ta drenta den sector laboral. Ta importante pa prepara nan pa no solamente pa e area cu nan a scoge, pero ta multifacetico cu nan por fit den cualkier otro tipo di trabao, si en caso cu nan no haya trabao den e area cu nan a scoge pa studia pe.
