Den pasado tabata tin malpractica cu a tuma luga, caminda cu pashentnan a keda malo. Pero no mester wak pasado, segun dr. van Trigt. Ta dificil pa evalua riba incidentenan den pasado. Pero e caracteristica di un comision di keho oficial, ta pa nan bay om cu e kehonan di pashent riba un manera responsabel.
Pa nan bin tambe na un consideracion. E consideracion ey lo mester tin e consecuencia cu e dokter mester tuma cierto medidanan, sino lo por tin sancion. E sancion ta dificil pasobra no sa kico e lo bay ta. Pero awor aki no tin un manera mas pa bo por sconde tras di bo mesun opinion, pasobra e ta wordo husga door di un organo independiente.
Ta dificil pa bay contra esey. Ta un exigencia tambe di Inspectie Volksgezondheid. Nan tin IVA para nan tras. Dado momento ta bin un evaluacion y e dokter no kier tuma paso of medida pa trata e caso adecuadamente.
Inspectie lo tuma su pasonan contra e dokter cu no ta reacciona of no ta haci su trabao pa e mehora e servicio.
Valido of no valido
Segun dr. van Trigt, loke cu por ripara den kehonan, hopi biaha e tin di haber cu e manera con e dokter ta bay om cu e pashent. Ta yama esey bejegening. Ta un di e motibonan pakico hendenan tin un keho. Ta djis e actitud, e manera con e dokter ta presenta su mes. E postura cu e dokter ta tuma. Normalmente como dokter mes, mester ta habri pa e keho, esta pa un pashent ora cu e presenta cerca dje y tambe mustra e interes.
Si un pashent bay cerca e dokter, e mester leef su mes den e situacion. E ta bay a base cu e dokter no por leef su mes den e situacion , pasobra e ta druk, e no tin tempo, of e tin stress.
Esey ta mustra manera cu e dokter no tin interes. Y esey ta bin dilanti hopi dilanti ultimo tempo. Ta un parti di opleiding awor aki cu ta wordo poni enfasis riba bejegening di pashentnan. E ora ey ta haya hopi biaha un mal comunicacion. Tambe locual cu ta pasa ta cu pashentnan dado momento por ta no tin e durf tambe pa confronta nan dokter riba e puntonan aki.
Toch tin e sentido ainda cu e dokter ta keda riba su pedestal y e pashent no ta durf di papia cu e dokter. Awendia e dokter no ta tur ora sa tur cos. E ta comparti decision y e pashent ta wordo envolvi mas den e tratamento. Pashentnan tambe mag di ta mas mondig y mester purba di busca e contacto cu nan dokter.
No por ta asina cu despues e dokter ta haya sa via medionan social of via un keho via un persona cu entrega of su nomber a wordo papia den media. Esey ta hopi lamentabel, pasobra e dokter no por reacciona tampoco riba esaki. Mientras cu tin e sentido cu e dokternan no ta ocmpronde dicon e kehonan ta bin, mientras cu toch nan ta habri pa papia di kehonan cu pashent.
E mester ta habri. E comision di keho aki lo tambe por yuda pa haya mas bista riba e tipo di kehonan cu lo drenta contra e grupo di trabao aki. Esunnan cu ta uni na dje tambe, no ta pa tum’e na serio. Ta uni na dje pasobra kier un solucion y pa kier tin e posibilidad pa mehora e servicio cu ta duna den cuido na e pashentnan, segun dr. van Trigt.
