Rusia a completa e fiesta di inauguracion di Mundial 2018 cu un goleada 5-0 riba Saudi Arabia, diahuebs den e stadion Luzhniki dilanti 80 mil fanatico, den un duelo cu a wordo precidi pa e discursonan di apertura di Vladimir Putin y Gianni Infantino.
Yuri Gazinsky tabata tin e privilegio di inaura e contamento di gol di e Copa di Mundo den dal un cabesaso den e prome 12 minuutnan di wega, den un partido dirigi sin problema pa e Argentino Nestor Pitana. Denis Cheryshev (43 y 90+1), Artem Dzyuba (71) y Aleksandr Golovin (90+4) a completa e cuenta.
Cu su triunfo, Rusia ta suma tres punto y ta situa su mes den e top di grupo A, wardando kico lo pasa diabierna na Ekaterimburg entre Uruguay y Egipto.
Foto: FIFAⓒ