Ruell Justina durante un entrevista a splica cu nan mes ta doño di Bushiri Karting. E ta un luga unda cu por bin core Go-Kart como un profesional. Si bo tin bo mesun vehiculo por bin practica e deporte di Karting. Y e ultimo añanan a bin cu e concepto pa huur gokart. Pa duna e luga un bida, a traha baño, facilidadnan hopi cozy pa tur hende por bin disfruta e deporte di karting, pero tambe duna oportunidad na hendenan cu no tin go-kart, por test e deporte y por yega na gusta e deporte y tambe cumpra su mesun go-kart. Ultimamente tabata tin un mal comprondemento entre esnan cu tin nan mesun go-kart y Bushiri Karting, unda cu a bin cu algun regla cu nan no a keda contento cun’e. Ta simplemente reglanan di pista. Un di e puntonan ta, cu ta desea pa e pista cera ora cu nan cera, cu ta 11’or di anochi. Ora cu e luga cera, kier cera e pit area tambe, unda cu e profesionalnan ta traha riba nan vehiculo. Esey ta un di e cosnan cu nan no a gusta. Hopi di nan gusta keda te marduga, drecha nan vehiculo. A bin cu e regla cu kier cera 11’or. Nan no a keda contento cu esey. Tambe e coremento anochi, tampoco nan no a keda contento cun’e. Pero e coremento anochi, pa bisa berdad, ta cu tin cuater luz riba e pista cu ta cover un pista chikito cu ta net bon pa huur go-kartnan y tin full un seccion cu falta claridad. Pa motibonan di siguridad tambe e no ta apto, como profesional, cu velocidadnan halto core anochi riba e pista. Tampoco, si busca den cualkier magazine di Go-kart of algo, casi ningun caminda na mundo no ta core go-kart anochi. Luganan manera Abu Dhabi, luganan cu por afford core go-kart anochi, nan ta haci’e anochi, pasobra pa bo core profesionalmente anochi, bo mester tin hopi rekisito di por ehempel organisacionnan cu tin reglanan di go-kart. Ta algun regla cu a pone cu ta cera e porta, no riba e profesionalnan si.
Nan a djis cere, pone un aviso pa tur hende pasa paden na e porta principal, registra. Wak si e miembresia ta up to date y por drenta libremente na e pit area sin ningun problema. Ningun momento so a cera porta pa e profesionalnan. Kier pa tur hende registra, percura pa e miembresia ta up to date y por haci e deporte di go-kart sin ningun problema.
Denuncia
Justina a bay recherche. Polis y brandweer a presenta na e sitio. Polis a bisa cu pa mainta bay na recherche. A purba di yama, pero no a haya e contacto cu nan banda di 3’or di marduga, ora cu e candela a tuma luga. Awo ta laga e asunto den man di recherche. Tin e imagennan di video, caminda cu por a mira e dos personanan ta drenta e luga y con nan ta sende e busnan aki di tour na candela.
Ekiponan den funcion
Tur dia e busnan aki tabata den funcion. Ta un trabao/negoshi cu Justina tin hopi pasion mes. Tur hende por bay riba tripadvisor, riba Facebook, caminda cu ta haya bon comentario cu e turistanan ta laga atras. Ta lamentabel cu esaki a tuma luga. Tin reservacion November y December y awo tin cu bay wak con pa soluciona esaki lihe. Pasobra no por laga esaki te aki.
Tin cu sigui p’adilanti, Justina a splica.
