For di cuminsamento di aña caba, a haya algun container cu no a wordo entrega segun Rubin Ponson di DOW. Esakinan mientras tanto a wordo tuma door di polis, brandweer y DOW, hiba pa Wela y ultimo tabata tin algun caminda cu a controla. Tin caminda cu ta haya, tin caminda cu no ta haya nada. Pero e controlnan aki ta algo cu tur aña ta wordo haci, purba di pasa door di e luganan aki, confirma sigur cu no tin nada.
E hendenan aki sigur cu klapchi wordo haya cerca nan, lo no por haya permiso mas, ni pa importa, ni pa bende klapchi, dependiendo con grave e ta. Una bes cu kibra e reglanan cu tin, lo no haya esaki mas. No lo mester pone ni e luga di benta, unda cu haya esaki, no lo por uza mas como punto di benta.
Cantidad
E cantidad di klapchinan cu lo bin ta hopi. E cantidad cu a sobra tabata hopi caba. Esey ta e problema cu tin tambe cu hopi biaha nan ta keda busca cantidad grandi y tin cu bay wak con pa regula esaki na un manera cu na final di aña e por caba. Cu ta suficiente cu tur hende por haya y no ta sobra klapchi pa e siguiente aña.
Union entre importadornan
Segun Ponson, por avisa e importadornan e cantidad cu tin, e cantidad cu nan ta bay ordo for di China, lo por trece un cambio pa nan por mira si nan ta bay trece en berdad e cantidad grandi ey. Hopi biaha esey no ta sosode. Un tempo tabata tin un fundacion caba cu nan a lanta pa uni e importadornan, pero esey tin di compronde cu no a sigui. Tanten cu no tin e comunicacion entre importadornan mes, ta bira un tiki fastioso pa por regula e cantidad cu ta bin. Pero si ta purba, pero no sa si lo logra, pero busca un manera pa e cantidad cu wordo importa ta solamente of un cantidad cu por bende durante e aña ey. E ta cumbini tanto e importador, e bendedo y tambe e consumidor. Pasobra ta sigur cu pa e siguiente aña tin klapchi fresco pa bende na publico.
Incidentenan
E incidentenan baha hopi. na final di aña tin biaha ta haya tres of cuater. E ultimo añanan, ta accidentenan hopi leve. Kisas un kemadura chikito of algo. Nada grave y esey ta sigur danki na departamento di salubridad cu ta purba di concientisa e pueblo durante e temporada aki.
