Presidente di Sindicato di Polis (SPA) a admiti cu loke Minister di Husticia a bisa cu nan a firma e aprobacion di bulletproof vest ta berdad. Pero nan a haci esey a base di e experticio di e expertonan cu a tuma e decision riba esaki.
Minister di Husticia, Rocco Tjon, a indica cu a busca bulletproof vest cu a pidi y aproba. Rodney Solognier, presidente di SPA, a bisa cu nan a aproba, a firma, p’e vest. Pero den e decision tuma, nan a pidi pa un bulletproof vest mas miho. Den e documentonan cu nan a haya, nan no a pidi pa un concealed. A pidi un bulletproof vest cu por pone riba nan uniform y bisti mas facil.
A pidi pa un miho calidad. Loke a haya ta un calidad inferior. Den e vest ta poni cu e no ta proteha pa bala si e no tin e plachi, cual esun cu nan a ricibi no tin. SPA no ta haya cu e ta di calidad pa e polisnan cana cu ne rond. E vest ta proteha pa ora di hincamento, pero e no ta pa ora di tiramento, tanten no tin un plachi.
E sindicalista a indica cu nan a haya vest di menos calidad di loke nan a spera, di loke a pidi y locual a mustra nan den e foyeto.
E sindicato no a sinta cu ningun comite. E tempo ey simplemente a presenta nan e dos opcionnan cual uno tabata di Danas Merca y compania di Sport Caribe. E escogencia a cay p’esun di Merca door di e tijdige KMT, prome cu SPA a tuma decision. SPA a sostene nan decision di Danas, pasobra e expertonan a tuma e decision di Danas. E sindicato a bay tras di nan profesionalismo y experencia, pasobra nan sa miho. Awo no a haya esun adecua. E no ta tuma minister Rocco Tjon na malo, pero e cos aki ta bay mas den e bedrijfsvoering cu a tuma e decision. E sindicalista ta pidi pa yega na un solucion cu e situacion aki.
Pa mas lesa TREMPAN.COM.
