Anual hotelnan global ta celebra e siman di Housekeeping unda ta aprecia nan empleado di housekeeping. Empleadonan di Housekeeping di Riu Palace Aruba a celebra siman di housekeeping. Como tradicion, durante henter e siman nan a reconoce e rol di cada empleado den maneho y operacion di e hotel.
Gerencia di Riu Palace Aruba a organisa actividadnan interactivo p’e empleadonan, kendenan a pasa momentonan yena di harimento y agradabel. E empleadonan di housekeeping a cuminsa e siman cu un misa, actividad di yoga y Zumba. E siman a continua unda cu e empleadonan a disfruta di e bahada di solo riba catamaran, Mexican Party y Raffles. Tambe nan a disfruta di “White Party” na e beach dilanti di Riu Palace Aruba y a cera e siman cu e famoso karaoke den e ballroom di Riu Palace Aruba.
Empleadonan di housekeeping tabata agradecido na Riu Palace Antillas p’e actividadnan organisa, unda tur hende a pasa momentonan agradabel cu otro den diferente ambiente y cada uno a pasa un momento ameno.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.
