Den un boletin emiti pa Departamento Meteorologico, a informa cu debi na e formacion pober di depresion tropical number 11, esaki ta spera di disipa pronto.
Pa 5’or di mainta, e centro di Depresion Tropical number 11 tabata situa cerca di latitud 14.5 noord, longitud 55.0 west of 670 oost-noordoost di Isla ‘Riba.
E depresion ta moviendo direccion noordwest cerca di 9 kilometer pa ora (5 knots). Un movecion lento west-noortwest ta spera te cu e sistema disipa den mas of menos un dia. Bientonan maximo sosteni ta cerca di 45 kilomter pa ora (25 knots) cu rafaganan mas halto.
Imagennan di satelite ta indica cu e depresion ta debil y ta moviendo den un aambiente di bientonan direccion west mas fuerte cu lo causa cu e depresion lo disipa mas laat durante dia of anochi. E depresion, of su restonan, ta spera pa move lentamente west-noordwest pa un otro dia mas of menos.
