E torneo Copa Noord 2018 a continua den fin di siman riba veld di Centro di Bario Noord. Den wega valido pa e promer round e rivalnan deportivo Royal Power a enfrenta e doñonan di e Torneo esta e organisadornan 2018 esta Tanki Leendert Giants.
Un wega cu basta emocion y fiesta di bataso cu hungadanan sensacional y batasonan di cuater skina na ordo. Royal Power ta pika ariba 2-1 pero mesora Tanki Leendert ta responde cu 3 careda den bom di promer inning. Royal Power2,3,4 a anota 2 careda cada inning mientras Tanki Leendert ta empata e wega 8-8 den bom di 4 inning.
Den cabes di 5 inning sinembargo Royal Power ta rally pa 6 careda cu homerun den deep rifgt di Jomark Flanegin kende ta lidera e departamento aki cu 5 cuadrangular. Tanki Leendert ta bolbe rally cu di dos cuadrangular di e wega di Jourick Blanco bon pa 3 careda. Den cabes di 7 inning Royal Power ta anota 3 careda mas pa sigura e wega. Finalmente Royal Power ta gana 17-14. Royal Power 17 careda, 20 hit, 2 error.
Tanki Leendert Giants 14 careda, 17 hit, 1 error. Mihor bateadornan pa Royal Power a resulta di ta Gregory Pilin Krosendijk di 5-4, Edmar “Macho” Tromp 5-3, Jomark Flanegin 4-3 incluyendo un bataso di 4 skina den deep right, Kelvin Silvania 3-2, Kenny Hart di 2-1, Dijendrick Croes di 4-3 cu un sencillo, un double y un triple faltando e cuadrangular pa sera e cycle, Giandrick Lacle y Richard Nunn Flaneging di 5-2 y Pierre Junior Richardson di 3-2. Pa Tanki Leendert a sobresali na plato den causa perdiJason Orman 4-2, Aigil Brete di 4-4, Eldrick Dijkhoff y Marc Danies di 2-1, Jourick Blanco di 4-3 cu 2 cuadrangular den deep center y deep right, Tico Danies y Vincent Willems di 2-1. Alvaro Barrios “el cabayo de hierro” ta pone un otro victoria riba su nomber enbuska di un otro titulo dichampion pitcher y Franklin Croes ta bay cas cu e derota.
Asina fanaticadanan por a goza un mundo di di un wega di bataso unda den tur skina di parke tanto paden y pafor e bala di softball tabata pasa cu velocidad bastante halto. Weekend binidero lo tin e gran final di Copa Noord tanto e 4 crusenan diasabra y e finalnan diadomingo 30 di september. Fanaticada di softball no laga nan conta Bo pero yega tereno bin disfruta di tremendo weganan di softball Copa Noord 2018 organisa pa Tanki Leendert Giants Softball Team.
