RIU Hotels & Resorts di Aruba a dispidi di aña 2019 cu 1 miyon tiro di pagara y bisando bon bini pa 2020. A scoge un area den e parti abou di e hotel, unda e zonido tabatin menos efecto y laga hopi sushi di e pagara, y tur hende por a disfruta di esaki. Un biaha mas tabatin e presupuesto p’e tiro di 6 miyon, pero a opta pa haci un donacion special na e shelter di bestia.
RIU Hotels & Resorts a tira pagara den un forma simbolico, ya cu tur empleado cu ta traha den e hotelnan kier mantene e tradicion di Aruba. Nos ta comprometi cu e medio ambiente y e labor comunitario, di cual pa medio di e donacion nos a yuda den un forma activo y no solamente absteniendo nos di cende e pagara di mas grandi.
Pa ambos hotel di duna bek na fundacionnan di Aruba ta algo importante. A scoge pa haci donacion na 2 fundacion, esta SGT Peppers y Fundacion Luna. Ambos fundacion ta yuda na un manera of otro pa loke ta trata e concientisacion di cuida cacho y pushinan.
RIU Hotels & Resorts di Aruba ta orguyoso di e trabounan cu e fundacionnan ta haciendo pa añanan. Nos ta gradici nan pa tur nan esfuerso haci pa sterelisa, duna guia y cuida e cachonan y pushinan. Tambe ta gradici tur empleado y bishitantenan pa haci e aña 2019 uno exitoso un biaha mas. Feliz Aña nobo y cu tur hende nan deseonan bira un realidad den aña 2020.
