Por corda ainda cu tempo di Pandemia frontera di Aruba tabata cera caba. Pero autoridad di Aruba y Venezuela a yega na un acuerdo pa realisacion di un vuelo humanitario pa repatria un grupo grandi di Venezolano cu tabata pega na Aruba.
Awo tin un cantidad grandi deteni atrobe n’e instalacion di Warda Nos Costa, no solamente di e dos gruponan cu a yega ultimo cu boto pero tambe esunnan deteni durante control. Pero Rino Hermans, director di Bureau Rampenbestrijding Aruba (BRA), ta bisa cu ainda no tin un fecha exacto ni con ta bay repatria e grupo aki pa Venezuela.
E mesun proceso cu a hiba den temporada di COVID, t’e proceso cu mester sigui awo. E ta un deliberacion entre Gobierno di Aruba (of su departamento concerni), consulado y Gobierno di Venezuela. Ki ta bay haci mientrastanto cu e grupo di persona indocumenta ta algo cu BRA no ta na altura di dje. E ta un maneho cu ta den man di Warda Nos Costa, esta si ta dicidi di duna nan un meldplicht of ta wanta nan na e centro di detencion.
Un vuelo di repatriamento pa henter e grupo ta un di e opcionnan na e momento aki. “No mester lubida cu e tin su parti administracion cu no ta bay asina lihe. E departamentonan concerni mester trece un relato di pa ki tempo ta calcula cu lo por tin un vuelo asina.”
Pa mas lesa TREMPAN.COM.
