“Na Digicel nos ta kere cu un conexion confiabel ta masha importante y den e era digital cu nos ta bibando, ta esencial pa cumpli cu demanda di cliente. Tur cliente tin un motibo pa cual nan ta recomenda Digicel na un amigo of famia. Digicel ta e proveedo cu ta ‘fit’ tur estilo di bida. Sin importa cu bo ta un ama di cas, tata di famia, pensionado, studiante of empresario- na Digicel nos ta compromete na un conexion solido y lihe”, asina Nadine van der Woude, Marketing Manager di Digicel ABC a bisa cu un sonrisa grandi riba su cara.
“Nuebe for di dies cliente ta recomenda Digicel na amigo of famia, esaki ta resultado di estudio realisa den nos mercado door di Coyne Research. Un estudio independiente cu ta midi e visibilidad di marca den mercado. Nos ta masha contento cu clientenan ta vocifera cu Digicel ta nan prome opcion y cu nan ta encanta nos servicio na cliente.”
“Nos ta realisa e tipo di estudio aki un bes pa aña den tur 27 mercado di Digicel pa sigura cu clientenan ta satisfecho. Ademas di esey, e ta siña nos conoce e clientenan, kico ta nan necesidad y con pa mehora nos servicio. Pa dos aña consecutivo nos a keda clasifica riba e standard di industria y nos ta comprometi pa mantene esaki na beneficio di nos clientenan”.
E encuesta di Coyneta basa riba midi satisfaccion di cliente, percepcion di balor di marca y animo general di e marca entre usuario y no-usuarionan. E encuesta cuantitativo a keda reparti den tres tanda, durante un trimester. Digicel a keda premia na algun ocasion cu un ‘speedtest award’ pa su conexion lihe, e Coyne Brand Health Survey ta sostene e conclusionnan aki.
Clientenan ta confirma cu Digicel tin e miho servicio y e conexion di mas lihe na Aruba. Durante di e ultimo añanan Digicel a dirigi hopi esfuerso na crea paketenan atractivo pa tur hende y pa tur presupuesto. E plannan cu Digicel tin actualmente ta conta cu aprobacion di 79% cerca cliente, esaki ta nifica tres den cuater cliente ta bisa nan ta “satisfecho” of “hopi satisfecho” cu Digicel.
Van der Woude, di Digicel ta comenta, “Nos ta posiciona di un manera unico pa innova den henter e spectrum di solucionnan digital awe den presente, pa crea avance y progreso pa futuro. Nos ta sigui combina esfuerso di nos team local, cu tecnologia pa crea conexionnan solido. Clientenan ta inclina pa recomenda Digicel como nan proveedor faborito y ta score Digicel cu un 72% pa servicio na cliente. Pa esaki nos ta masha agradecido. Nos enfoke riba solucionnan innovativo ta permiti nos desaroya y alcansa nivelnan halto den henter e spectrum di telecomunicacion y solucionnan digital.”
Tocante Coyne Research
Coyne Research ta un agencia renombra y premia pa nan investigacion y encuesta den mercado. Coyne tin un reputacion solido pa encuestanan di calidad halto y independiente. Coyne ta dirigi y ta reporta detayadamente comportacion di e consumidor. Su team ta experiencia den estudionan cuantitativo, esaki ta inclui online, entrevistanan via telefon, testnan di producto, ‘mystery shopping’ y mas. Semper ta mantene metodonan moderno cu ta agrega balor na cualke proyecto.
Ademas di esey, ta midi satisfaccion di cliente, testnan creativo, revision di marca, identidad di marca, posicionamento di producto, y actitud di cliente. Pa Caribe, ta uza e sistema Omnibus pa yega na un muestra grandi di consumido cu por representa tur nivel di e sociedad. E muestra total ta representativo na e poblacion nacional cu un cota estableci den termino di edad, genero, nivel social y region (bario) di manera cu ta garantisa cu e ta representa e poblacion di Aruba.
