Despues cu a tene accion di limpiesa den bario, esta e campaña di Limpi Limpi, por a tuma nota un biaha di un avalancha di sushi den e cayanan di village. Por mira cu e cayanan aki ta birando casi manera un dump.
Durante dia, habitante di Caya Corsou a mira un monton di sushi den su caya y mata cu ta tapando visibilidad di e automobilistanan den dicho caya.
E habitante no ta compronde con ta posibel cu ta haci limpi y asina mes hende ta yega y bolbe susha e area. Ta mustra cu e hendenan no ta importa cu ta haci limpi y pa cualkier motibo no ta percura pa deshaci di nan propio sushinan. Nan ta scoge pa tira esaki riba caya y crea dump ilegal.
A notifica e departamentonan concerni, pero te ainda nada. E habitante ta pidi pa e departamentonan concerni haci algo y tambe esunnan cu ta haci esey pa stop, mirando cu ta crea bista mahos como tambe ta trece bestia indesea.