Ingeniero Richinel Scoop ta e comandante nobo di e panter di e steunpunt di kustwacht na Aruba desde dia 10 di augustus 2020. Scoop tabata trahando na Kustwacht desde november di 2015 y a sigui un trayecto di cinco aña pa comberti den comandante.
Dentro di Kustwacht e tin varios funcion tanto na Aruba, Corsou como na St. Maarten, incluyendo e oficial di mas edad y posteriormente como comandante den funcionnan di e cutter Poema na St. Maarten. Na final di 2017, Scoop, despues di e asistencia di Kustwacht na Sint Maarten tras di e paso di horcan Irma, a traha den e Centro di Rescate y Coordinacion na Corsou durante un periodo.
Aki el a conoce miho e organisacion di Kustwacht. Scoop tambe a tuma varios curso durante su biahe, e curso pa un oficial di polis extraordinario (BAVPOL) tabata uno di esunnan mas importante. Scoop semper a ambiciona un posicion den e mundo maritimo. Despues di a obtene su diploma di educacion sedundario na Aruba, el a asisti na su formacion maritimo na Hulanda y a otene su “Bachelor of Maritime Operations” na 2015 den e Instituto Maritimo Willem Barentsz, Terschelling, un reconocido institucion pa e sector maritimo.
Durante su curso di capacitacion el a reuni y a adkiri experiencia cu su futuro campo di trabao den tareanan practico emocionante tanto na Hulanda como den exterior. Por ehempel, el a cumpli cu su periodonan di practica cu organisacionnan grandi como entrenador di oficialnan maritimo na Allseas, Maersk y Aruba Ports. Durante e reciente ceremonia, Capitan R. Paskel, Hefe di Steunpunt di Kustwacht Aruba a bisa den su discurso “cu steunpunt lo ta hopi contento cu e perseverancia di Schoop. E tin e confiansa cu Scoop lo haci un bon trabao pa Kustwacht. E cooperacion ta hopi importante y bo por conta cu nos apoyo y Kustwacht den e zona di Caribe. Pabien pa e nombramento aki y nos ta deseabo hopi exito,” Hefe di Steunt Punt Paskel a bisa.
M. Solognier, hefe di Operacion di Kustwacht Aruba y ex comandante di e cutter Panter, a bisa cu tambe e tin fe den e trabao cu Scoop lo bin ta haci y ta desee exito den su desafio nobo. Despues di e discurso, Schoop a dirigi algun palabra, “awe ta un honor p’ami ta dilanti boso como e comandante nobo di e cutter Panther di Steunpunt Aruba. Mi ta hopi gradicio na e ocasion aki y mi ta cla pa e capitulo nobo aki den mi bida.” El a anima e hobennan interesa den mundo di buskeda maritimo pa meld na Kustwacht, sigui durante nan entrenamento inicial pa asina por bisa cu orguyo “Mi ta un Kustwachter y mi tin un trabao hopi desafiante, Fuerte hunto.” Kustwacht den henter e zona Caribense ta desea Scoop hopi exito den su posicion nobo.
