Glenda Hernandez, directora di Departamento di Asuntonan Social, representante di kluster 4 den e team di maneho, a comenta durante di un rueda di prensa di gobierno, cu dialuna pasa cu nan tabata tin un encuentro cu 15 directiva di diferente tipo di scolnan primario, secundario y tambe kleuter.
Den e encuentro aki, a puntra cada un di e directivanan ki dia nan tin pensa di habri y con nan tin pensa di habri. Ki preparacionnan nan ta tumando. Dies di e directivanan a bisa cu nan lo bay habri prome of riba 20 di augustus y 11 a bisa cu nan lo bay habri dia 24 di augustus. E siman prome nan lo tuma algun preparacion y tres directiva a bisa cu nan lo bay habri dia 1 di september.
A base di esey a conclui den e crisis team cu en realidad ta cla pa habri dia 20 di augustus. Esey ta nifica cu sa cu ta tratando di diferente tipo di scol cu tin cu deal cu nan. Nan sa cu nan tambe tin nan preparacion necesario. Nan tin mester di nan tempo y nan flexibilidad y espacio pa deal cu e situacion. Mayoria kier habri entre 20 pa 24 di augustus. Y ta bisa cu e intencion ta pa en todo caso 20. Dialuna awo lo papia cu nan pa kico mas nan tin mester y e retonan cu nan lo topa cu ne cu mester atende cu nan.
Diamars ta papia cu Simar y SEPPA riba e mesun puntonan pa wak di nan punto di bista kico mester mehora pa haci e apertura aki mas exitoso posibel. Tin cu bisa cu den e reunion di dialuna ultimo, un di e preocupacionnan di mas grandi ta con ta bay cu e muchanan. Con ta bay haal loke ta SO y pa examen na october. Esey ta un di e preocupacionnan grandi. Ora cu wak tur e riesgonan cu por core pa bay toch na un apertura total. Pakico? Pasobra cu Covid tey y lo keda por lo pronto y tin cu deal cun’e. E riesgonan bao di mucha y hoben pa haya contagio of pa duna contagio ta minimo. E no ta non-existente, pero e ta chikito.
Den e protocol di DVG y di BRA a haya e siguiente richtlijnen: Den scolnan di kleuter y di basis, no mester tene cuenta cu distancia social y fisico. Tampoco entre alumno y maestro, of alumno cu alumno. Den scolnan secundario, mesun cos por bisa, pero si mester tene e distancia di 1,5 meter entre alumno y docente. Esey si mester tuma na cuenta. Claro, entre docente cu docente, entre maestro y maestro, semper mester tuma tur precaucion di 1,5 meter y mondkapje.
Den enseñansa di anochi (avond onderwijs) si mester tene cuenta cu e distancia fisico entre alumno y docente. Pa mayornan ta conta distancia fisico pa tur sorto den tur sorto di scol. Esta pa basico, kleuter y pa scolnan secundario. Un mayor so ta busca y hiba yiu for di scol ora cu nan ta naturalmente mas chikito. Tambe pa scolnan basico y kleuter, no ta conseha mondkapje ni a alumno, ni pa maestro. Si entre maestronan onderling y pa scolnan secundario, si ta conta mondkapje pa tur hende. Ta obligatorio.
Un ultimo detaye ta cu si e yiu ta malo of ta infeccion di Covid na cas, meld e mucha malo. Esey ta bo responsabilidad. Nos mester siña con pa cuida nos mes, mester tuma responsabilidad con nos ta proteha nos mes y toch laga e bida sigui. Nos no por bay cera tur cos y pensa cu nos por bay sigui biba y keda come tur dia.
