Revolucion por presenta den diferente escenario, nos por pensa riba e parti laboral, politica, cultural hasta den parti di tecnologia. E concepto di revolucion tabata importante den e desaroyo di e ser humano den sociedad. Esaki a conduci na mas libertad, pa tin mas igualdad y pa combati inhusticia. Revolucion ta un aspiracion y e gana pa cambio.
Un grupo por tin deseo di un revolucion pa motibo di ta descontento. Por ehempel:
Inhusticia: Si esnan cu tin e autoridad ta tuma diferente decision caminda esnan rond di e situacion ta sinti cu nan derecho ta wordo inhustamente trata, esaki por haci cu e esnan rond ta fada y ta pidi pa cambio.
Inigualdad: Si un grupo ta sinti cu e esnan encarga ta beneficia un grupo chikito y no ta tene full e team den consideracion, e grupo lo por pidi pa un cambio. Kisas nan ta sinti cu e distribucion di recurso no ta ser comparti igual, y esaki lo conduci cu nan lo scoge pa no tolera esaki mas.
Corupcion: Si constantemente corupcion ta presenta for di esnan na control, por haci cu e miembronan no tin confiansa mas den e grupo aki. E miembronan lo por pidi pa cambia esnan den maneho pa asina por caba cu e corupcion cu ta tumando lugar.
Al final, e persona corecto y cu bon intencion, lo haci cu e inhusticia, inigualdad y corupcion lo minimalisa y lo presenta un ambiente di speransa.
Skirbi pa: Gillmar Werleman
