Hendrik Marsman, desaroyado, ta doño di e proyecto pa mas di binti aña. El a indica cu den pasado kier a traha apartamento pero nan a bay biba den exterior y a regresa. Pero e tempo a yega cu Aruba mes tin scarsedad di vivienda. Gobierno mes ta papia di bay halto door di scarsedad di tereno.
Marsman a warda p’e waf di container bay Barcadera, p’asina tin un bista pa lama. El a bin cu un plan pa traha apartamento eynan y bende. Ta trata di apartamento di un pa tres camber y por combina esaki cu restaurant. E tereno ta di diesdos mil vierkante meter, e ta un self container. “Aki bo ta haya bo cu supermercado chikito, restaurant, botica, tur esey riba e tereno mes”, el a indica.
E tereno cu Marsman ta referi na dje ta situa riba boulevard otro banda di caminda di waf. E tereno aki ta cay den ROPV y eynan por traha edificio bay halto te na ocho piso. Ey area aki ya caba ta completamente concret, kiermen no tin shoco ni lagadishi y e ora no tin problema cu e hendenan di medio ambiente.
Segun Marsman, e luga ta p’e localnan prome pero si no logra esey, e ora ta hende di afo tambe por cumpra. Hopi bes e mercado ta stipula bouw prijs, pasobra mester paga invoerrechten, etc. Esey ta cos di mercado cu no por cambia, e gastonan di inicia un proyecto.
Pa mas lesa TREMPAN.COM.
