Sigur diahuebs tabata un dia di hopi emocion, unda cu mescos cu tur aña, tur hende ta pendiente di e resultadonan di examen.
Clay Shipley, director di Ceque College MAVO cuminsa na bisa cu e resultadonan ta miho di loke nan mes a spera. Di 55 alumno cu a haci examen, 48 a gradua den e prome tempo (eerste tijdvak) bon pa 87%. Sigur, un resultado positivo.
Awo ta bin e periodo di herkansing, cual ta nifica cu e cantidad di graduado ainda por subi un poco mas.
Mas aleu, Shipley a sigui bisa cu e pandemia toch tabata tin su efecto, e residuonan di e COVID, a haci cu e alumnonan a perde hopi les ora cu nan tabata den tweede y derde klas. Y awo den vierde, a pesar di cu nan a perde hopi les, toch nan ta bin cu resultadonan super bon.
Por ultimo, director Clay Shipley a bisa cu semper su conseho pa su alumnonan ta pa nan sigui studia, habri caminda den bida. Mas diploma bo tin, mas probabilidad bo tin tambe di haya un bon trabou, e dia di mañan.
