Durante e fin di siman di 25-27 di mei 2018 Centro di Bario Tanki Lender den cooperacion cu Stichting Maneho Social Aruba a organisa un tremendo evento cu e meta pa recauda fondo pa asina cuminsa haci trabao nan di mantencion na e dicho centro di bario.
E evento a consisti di varios parti di cual a cuminsa cu un happy hour riba e diabierna cu presentacion musical di Roots I Riddim y Mystical Connection cu a bay den un ambiente sumamente ameno. E mesun dia aki tambe a inicia cu e colecta atraves di buzon nan riba caya. Diasabra tabata tin collecta un bes mas na varios parti di nos isla y diadomingo tabata e dia di e gran evento familiar na centro di Bario Tanki Lender. E dia aki a cuminsa cu un koffiemorgen sigui pa un evento musical cu varios banda nan cu a participa na esaki. Como atraccion principal tabata tin e DUNK TANK challenge cu diferente celebridadnan local cu a haci uso pa asina invita nan fanatico, famia y conocirnan pa por a coopera pa e causa. Organisador nan kier a gradici e celebridadnan cu a copera: Paul Schouten , Giovanny Trim, Ginger Thielman, Licielle Hoek, Tyson Croes, Jonathan Croes, Chiara Petrochi, Gregory Milliard, Lindy Croes, Mc Oz, Nixander Lambrinos, Bryan Dirks, Rocco Franken, Ricardo Illigde y sr. Edgar Mendieta.
Na final di e anochi a sera e conteo di e suma ricibi di e colecta riba caya y tambe e otro donacion nan. E suma recauda cu lo ser inverti na mes momento den e centro di bario ta AWG. 13957.37,- . Directiva di Centro di Bario Tanki Lender conhuntamente cu Stichting Maneho Social Aruba kier a gradici un y tur cu a coopera y haci nan donacion, na tur e compania nan cu a juda cu cuminda pa voluntario ; Subway, Dominos pizza, Urataka Center, Welcome Back Snack, danki na WEMA cu a juda cu e buzonnan, na tur e club nan social cu a juda cu e colecta; Grupo Scout Ora Ubao, Kiwanis Builders Club San Antonio, Kiwanis Circle K EPI, Kiwanis Builder Club Mon Plaisir College Mavo y un danki especial na United Bikers Aruba. Danki na AVIS carrental, Speed Carrental cu a juda cu e transporte di e voluntarionan, Party Express cu a juda cu stoel y mesa, na Piedra Plat Entertainment Center cu a juda nos cu e dino Jump y e Dunk Tank.Y tambe na tur esnan cu di un forma of otro a juda e evento aki.
Den e proximo simannan Centro di Bario Tanki Lender y Stichting Maneho Social Aruba lo informa di e trabaonan cu ta bay cuminsa na e Centro di Bario.
