E donacionnan di parti di comunidad y comerciantenan ta sigui drenta pa esnan den necesidad, esnan cu a perde trabou y cu no tin entrada.
Tabata diasabra atardi cu e compania local Repair & Play Shop a haci donacion y ayudo na Aruba Covid- 19. A duna 100 caha cuminda asina nan por yuda Aruba cu cuminda na e diferente hogarnan. E grupo lo reparti esaki na e diferente hogarnan den necesidad. Unda si tin persona cu mester ayudo of kier yuda por tuma contact cu nan na Tel:5669672.
Di e forma aki por mira cu diferente comerciante cu ta saca man pa yuda nos pueblo cu comestibles.
