Den careda di 2’or di merdia ta sosode un accidente na San Nicolas den cual tabata envolvi un di e busnan nobo di Arubus.
E accidente aki a sosode riba e caminda for di Macro bay nort, net na e cruzada di Hildebrandstraat y Weg Kustbatterij. E autonan envolvi tabata e bus di Arubus y un Honda Accord A-15604. Parce cu e causa di accidente ta e no dunamento di preferencia na e crusada.
E bus tabata coriendo riba e caminda di Kapel Emmanuel den Hildebrandstraat y e Honda Accord tabata bin for di Weg Kustbatterij. E daño material tabata basta mientras cu Ambulance a yega pa atende cu e heridonan den e vehiculo particular.
