Un biaha mas a cera gym y esaki ta pa motibo cu casonan a subi. Instructor di fitness y nutricionista, Rene Wild, ta di acuerdo cu tin di bin cu medida, pasobra no por laga cos bay for di man. Nan no ta contra ningun medida. Pero e biaha aki e ta kere cu por a bay den stapnan.
Na luga di cera gym di biaha, por a bay over na e manera con a habri despues di e lockdown. E tempo ey a habri gym c’un manera unda por train di 8:00 pa 9:00 un grupo di binti hende so, pero e cantidad di persona tabata depende di e vierkante meter. Tambe ta skirbi nomber pa sa ken a train precies na ki orario. Ta parti e miembresia pa tur train un ora, despues ta cera e gym y limpia completo p’asina e siguiente grupo yega.
Wild a indica cu doñonan di gym ta haya cu no ta husto ta laga un bar habri, unda hende ta bay bebe y tin di baha tapaboca y despues no sa unda esaki ta, pero ta cera un luga cu hende ta bay busca pa su salud. Esaki no ta cuadra. Si ta bin c’un regla, e mester ta husto y algo cu ta cuadra. Si e argumento ta di hopi hende den gym, pero no tin ningun caso prueba c’un cluster a cuminsa eyden. Pero si hende sali trip y contagia, despues bay gym y pega otro hende. Ta core bisa cu ta den gym ta pega hende. El a indica cu esaki no a cuminsa den un gym, pero riba caya.
A papia di vacuna, di medida pero no riba e parti di prevencion. Tin cu trece mas informacion riba e parti di medida. Si constantemente tin informacion, educacion y documentario con pa preveni, con pa cambia forma di come. Aunke e no ta contra vacuna, Wild a indica cu na momento cu un hende haya e COVID, e tin mas antibody cu e vacuna. No mester keda mira un banda so, esta di vacuna, medida, pero bin cu e banda con pa preveni.
Pa mas informacion lesa TREMPAN.
