Diabierna, 20 di september, tabata e gran dia caminda cu a saca e feliz ganado pa loke ta e campaña di Hunt for a Cruise di Garage Centraal pareu cu e Meta Hunter di Aruba Bank cu a tuma luga recientemente.
Rodney Kock, gerente di mercadeo, a conta cu e campaña a bay super bon. E response en general pa loke ta esnan cu a bin busca auto tabata simplemente fantastico. No por gradici suficientemente pa tur esnan cu a bishita Garage Centraal, cu a cumpra auto cerca nan y un di nan a haya e oportunidad pa gana un crucero pa dos persona pa bay Cuba.
Kock ta gradici tur esnan cu a participa, danki na e preferencia y esaki ta pa tur hende.
Durante di e transmision en bibo cu 24ora.com, a saca e ganado kende a keda den persona di Remmie Tromp, kende a bay cu un Hyundai Santa Fe, confirma pa notario e momento ey. Un palabra di felicitacion ta bay na Remmie Tromp cu su premio, cual ta un crucero pa dos persona pa Cuba, cu transporte inclui pa Miami, cortesia di Garage Centraal.
