Dialuna mainta a cuminsa e Regiezitting di caso Flamingo cu ta draai rond di e temporada cu Otmar Oduber tabata Minister di Infrastructura. Pues di e periodo 20117 pa 2020.
A cita seis persona di cual cinco a presenta pa e sesion inicial aki. Ta trata di Otmar Oduber; Aisha Esser; Richenella Wever Croes; Jeandrick Oduber; Laurence Philips y Gilbert Tiel (e ultimo aki no a presenta).
E sesion di awe presidi pa hues van der Spoel, kende a biaha specialmente for di Hulanda pa e tratamento, ta uno pa mira ki peticion mas tin.
Mr. Carlo den nomber di su cliente Otmar Oduber a pidi pa scucha varios testigo, igualmente abogadonan mr. Desiree Croes y mr. Odor tabatin mester di algun testigo, cu ta inclui algun di esnan di Carlo.
Jeandrick Oduber a pidi como testigo su socio y e anterior doño di e negoshi y igualmente tabata kier a haya un hardcopy di e dossier cu e no tabatin na su disposicion como cu e no tabatin abogado.
Philips di su banda a pidi tambe pa scucha un ex-mandatario (Marisol Tromp) y prome minister mr. Evelyn Wever Croes.
Rond di 11:00 am a pospone e sesion y lo sigui 1:30 awe merdia.
