Despues di varios dia lansando “hint” riba red social, ayera Dufry ta anuncia nan campaña cu yama RED BY DUFRY. Ta trata aki di un ‘loyalty program’ cu tin beneficio pa haci compra como tambe pa biaha. Pa download e app aki ta gratis y ta duna bo un sin fin di beneficio, no solamente ora di haci compras na Dufry, sino tambe na otro companianan cu ta forma parti di e programa, anto den 50 diferente pais rond mundo.
“Dufry Aruba ta lansa e programa di beneficio aki como parti di nos mision pa provee e miho experencia di haci compra na nos clientenan. Asina bo registra, bo ta haya status color di plata y ta ricibi 5% di descuento riba bo compra. Cu RED BY DUFRY clientenan lo beneficia, no solamente di descuento den tiendanan, sino tambe lo beneficia di un cantidad di ofertanan exclusivo tanto paden como pafo di aeropuerto”, asina John Palacio, gerente general di Dufry na Aruba, Boneiro y Bahamas, a duna di conoce durante su discurso.
Na momento cu bo uni na e ‘loyalty program” aki bo ta haya acceso na un lista largo di beneficio, manera por ehempel:
– Descuento den tur tienda di Dufry rond mundo
– Acceso na e sala VIP di aeropuerto
-Regalo y diferente experiencia unico di marca renombra.
E otro companianan na Aruba cu ta forma parti di e programa ta Cinnabon, Wendy’s, Juan Valdez, Around Aruba Tours, Aruba Experience Café, Apothek, Hoya Lush, Marhaba, Pofferdorie, World of Wonder, Amaré Shoe Lounge, Avisa Car Rental, Sixt Car Rental y Villa Heart of Aruba.
A crea RED BY DUFRY p’asina abo, e cliente di Dufry por saca probecho di bo biahe, tanto paden, como tambe pafo di aeropuerto. Na momento cu bo uni na RED BY DUFRY bo lo ricibi recompensa ora cu bo shop den e tiendanan di Dufry, pero tambe bo lo tin acceso na tips y descuento na e pais cu bo ta bishita. For di e curason di aeropuerto te na e curason di e pais unda cu bo ta.
RED BY DUFRY ta compaña bo unda cu bo bay. Join awe mes y disfruta di descuento y recompensa. Algun aeropuerto lo brinda bo e oportunidad di disfruta di nan sala VIP mientras cu algun otro lo duna bo descuento riba cuminda y bebida.
Download e app di Dufry y ricibi notificacion y oferta special directamente den bo celular. Esaki t’e manera mas facil y lihe pa disfruta di bo descuento for di unda cu bo ta.
Ta masha facil pa join RED BY DUFRY, djis subi https://sso.dufry.com/register y disfruta. Hiba bo experiencia di biahe na un otro nivel awe mes!
Dufry Aruba ta existi pa mas cu 20 aña caba y ta conta cu 10 tienda den Aeropuerto Internacional Reina Beatrix y un tienda den Caya Betico Croes. Hunto nan ta conta cu decenas di empleado servicial, cu bon experencia y conocemento di e productonan varia cu nan ta bende, dependiendo di cada tienda.
E grupo cu ta maneha Dufry mundialmente ta funda desde 1865, pues tin 157 aña di existencia. Desde aña 2003 a cambia e nomber pa Dufry. E compania ta basa na Suisa, ta emplea riba 36 mil empleado den 65 pais rond mundo. Nan ta rumannan di e companianan Hudson, World Duty Free, Nuance, Hellenic Duty Free Shops, Reg Staer, Duty Free Uruguay, Duty Free Argentina y Colombian Emeralds.
