Diaranson atardi Presidente hunto cu Elite Empire Entertainment a tene su segundo conferencia di prensa unda e famoso DJ Local Eldrick Boekhoudt mihor conosi como Nutzbeatz hunto cu Aruba su Artista Local cu a bira Internacional Jonathan Thiel mihor conosi como Jeon tambe tabata presente.
Na e conferencia a wordo menciona cu pa e prome edicion di Presidente Summer Street Concert cu sigur ta priminti di bay ta uno imprecionante lo tin special riba cervez di Presidente cu lo ta solamente Afl. 5,- henter anochi . Tur cu bini trempan lo ricibi un cup di Presidente (cantidad ta limita).
Pa locual ta benta di tickets, tur early bird tickets a caba. Por haña ticket general pa solamente Afl. 45,- na Citgo Palm Beach, Citgo Boulevard, y Citgo Essoville. Pa VIP cual nos a compronde lo ta dos diferente Area lo por busca e ticket online of por tuma contacto via 5944330.
Pa locual ta e setup y stage lo ta den man di nada mas y nada menos cu Elite Productions & Entertainment, e stage aki lo ta uno “Special Customized” y lo ta sigur uno imprecionante. Nos artista Jeon a laga sa tambe cu Upgrade lo tey bek despues di 3 aña y mas duro cu nunca. Tambe nos a compronde cu Upgrade lo saca su Album nobo den e dia nan venidero.
Aruba completo ta keda invita pa bin disfruta di e Presidente Summer Street Concert. Tur cos lo tuma lugar durante transcurso di un anochi, Diasabra 28 di Juli 2018. Riba e anochi aki e “Main Acts” lo ta riba e main stage cu ta bay a riba caya cu ta priminti di ta un setup fenomenal, tambe e clubnan local manera Hotshotz, Rain, y 7 West lo tin tur e DJ nan local pa asina hasi e Presidente Summer Street Concert aki uno inolvidable.
DJnan Local pa e anochi aki lo ta entre otro: Dj Yeimy, Kash, MusicMonks, Bamfstarz, Whiteboy, Vibes, Sky y Dj Bash. Pa locual ta Main Acts pa e anochi ta: Ir-Sais (NL), Dongo (Cur), Upgrade Music ft Jeon, DJ Outkast (SXM), for di Colombia DJ Bash (Dj Official di Nicky Jam), Zyon ft Wichi y Ty y mucho mas.
E Presidente Summer Street Concert lo ta 18+.
E di prome edicion di Presidente Summer Street Concert ta priminti di bay ta uno impreshonante!
