Preparacionnan a cuminsa na Puerto Rico diamars pa yega di e tormenta Dorian. A pronostica cu e sistema tropical aki lo coy forsa y bira un horcan.
Mientrastanto, un “storm watch” ta na vigor na Puerto Rico, Dorian ta bashando awa den Caribe.Den e pueblo di Carolina e habitantenan ta cumprando boternan di awa y otro provisionnan como preparacion.“Nos ta preocupa, hasta cu e yobida normal y awo cu e tormenta ta na caminda, nos ta mas preocupa kico ta bini su tras,” un habitante a comenta na prensa. E coriente probablemente lo cay afo.
Puerto Rico a declara un estado di emergencia … cu rond di 360 shelter habri caba rond di e isla.No por lubida cu habitantenan a pasa den algo similar dos aña pasa, ora cu horcan Maria a causa hopi destruccion na e isla aki. Miles di persona a perde nan bida. Infrastructura a keda destrui y partinan di e isla ainda ta den recuperacion.E biaha aki, ekiponan di buskeda y rescate di Florida ta cla caba prome cu e mal tempo yega.“Nos ta prepara pa tur cos. Tin hopi chens di inundacion pa cual nos tin un team di rescate specialisa den casonan asina, cu tin e capacidad pa drenta y rescata personanan atrapa den tur tipo di peligro den awa,” un di e expertonan a comenta.
