Durante fin di siman, Arubaanse Voetbal Bond (AVB) a lansa oficialmente e programa Talent Development Scheme (TDS). E ceremonia a tuma luga riba diasabra, 20 di april 2024 na AVB caminda un grupo di hoben a demostra kico tur nan ta haci pa cu e preparacion pa e programa.
Aruba ta un di e prome paisnan na mundo cu a bin na remarca pa e programa di TDS. E programa TDS tin como meta pa duna atletanan hoben oportunidadnan di entrenamento y desaroyo completo tanto riba y pafo di veld y ta wordo dirigi pa FIFA Talent Coach Chris Beardsley.
E partnership di Aruba Bank cu AVB ta subraya su dedicacion pa inverti den futuro di hubentud di Aruba y promove excelencia den deporte.
” Sra. Edseline Leer – Semeleer, Head of Retail Banking na Aruba Bank, a bisa “Nos ta contento cu nos compromiso cu ta sostene iniciativanan cu ta impacta positivamente comunidad y alabes contribui na crecemento y desaroyo di talento di futbol na Aruba.”
