Tabata algun siman di negociacion, unda cu a tene reunion cu diferente stakeholder. Pero e dia tan spera a yega diahuebs cu firmamento digital di acuerdo di gobernacion entre MEP y RAIZ.
Durante firmamento di acuerdo, formado a anuncia cu pa proximo siman lo por anuncia e proximo ministernan di siguiente gobernacion. Si el a enfatisa cu gobernador a dun’e un deadline te cu dia 27 di augustus pa bin c’un acuerdo di gobernacion den liña grandi, un reparticion di cartera cual ainda no ta cla y tambe candidato proponi pa minister. No ta kere cu lo mester tuma mas tempo, pero no por descarta tampoco cu formacion lo por dura un poco mas.
Tin tur indicacion cu pa october lo tin un programa di gobernacion y segun formador e reunionnan cu e diferente stakeholder tabata un reunion di informacion, na mesa di formacion. Nan no a compromete nan mes cu nada, pero mas bien ora cu tin minister apunta, cada minister lo atende cu e stakeholdernan, cu lo bay mas den detaye cu nan.
Pa mas informacion, lesa TREMPAN.
