Manera cu tur hende a spera, gobierno a reintroduci Toque de Queda. A anuncia e medida drastico aki pa evita mas contagio di Covid-19. E medida ta drenta na vigor diahuebs manece diabierna awo pa 12or di marduga y ta vigente te cu 5’or di marduga. Ta un di e tres decisionnan cu Gobierno a tuma pa un periodo di dos siman.
Durante di e conferencia di prensa, prome minister Evelyn Wever-Croes a menciona ademas di e decision aki pa dunadonan di trabao evita aglomeracion na pia di trabao. Tambe pa den famia, evita bishita y si tin bishita mes, no mas cu 4 hende na cas. Evita cualkier fiesta di famia, pa evita cu por tin contagio den famia mes.
