Prome diasabra di luna pa 6:15AM ta cuminsa cu Santo Rosario Gososo.
Despues pa 7:00AM Pastoor Juancho ta celebra Santa Misa, na kapel di Alto Vista. Comision hunto cu pastoor ta invita tur hende pa celebra Santa Eucaristia cu e aña 2021 ta dedica na San Hose Patrono di Iglesia. Papa Francisco den su oracion di tur dia ta roga pa speransa y mehoracion pa den e pandemia cu nos ta enfrentando pa 11 luna caba.
Resa tur dia, pidi Dios pa drecha e situacion na mundo henter. Resa y gana Indulgencia Plenaria si haci un bon confecion y asisti 5 prome diasabranan di luna na Santa Misa . Riba diasabra ta resa Misterio Gososo, pa finalisa e santa rosario ta resa Salve Regina. Nos ta resa pa necesidad di Iglesia Universal, pa Papa Francisco, Obispo Luis Secco, tur sacerdotenan y diacononan. Pa nos gobernantenan y tur cu ta carga responsabilidad pa nos pais Aruba y pa esnan cu ta malo den hospital, esnan grandi den casnan di cuido y na cas serca nan parientenan.
Laga nos resa pa tur enfermo di e pandemia cu ta reina riba nos islanan. Den hogarnan cu mayornan ta tristo pa un yiu stima cu a coy mal caminda. Pa tur enfermo den exterior cu poder di Dios nan haya pronto recuperacion.