Awe tardi hunto cu CEO di APA NV, Marc Figaroa y CEO di ATA, Ronella Croes, Minister Dangui Oduber a tene un bon reunion cu Florida Caribbean Cruise Association riba e futuro di crucero pa Aruba y Caribe. “Nan ta optimista cu e aña aki, probablemente den zomer, e prome cruceronan lo por cuminsa nabega”, asina e mandatario a anuncia despues di e reunion.
“E bon noticia ta cu Aruba ta den e top destinacionnan cu lo ricibi crucero debi na e hecho cu e cruceronan no lo bay tur destinacion den Caribe. Banda di esaki nan a indica cu e turistanan crucero lo keda un tiki mas largo Aruba y asina gasta mas placa tambe y lo tin mas barco crucero henter aña”, asina Minister Dangui Oduber aa termina bisando.
El a añadi cu e tambe ta optimista cu nos lo por bolbe pocopoco na normalidad den cifranan di turismo aki na Aruba.
