Prome caso positivo di studiante nobo cu COVID-19 na Hulanda

Durante di awe diabierna a drenta e informacion di e prome caso positivo di studiante nobo cu COVID-19. Mientras tanto tin 9 studiante cu a haci test y Arubahuis ta pendiente di e demas resultadonan. Na e momentonan aki Arubahuis ta den contacto cu Gobierno di Aruba y cu GGD na Hulanda pa ricibi e instruccionnan necesario di con mester sigui atende cu e situacion. Tambe Arubahuis ta facilitando GGD cu tur e informacion necesario y GGD y Arubahuis lo tuma contacto mas pronto posibel cu e studiantenan den cuestion. Asina cu Arubahuis haya mas informacion lo informa mas pronto posibel den caso cu studiante nobo for di Aruba mester haci test y/of si nan mester bai den quarantaine obligatorio. Pa awor ta consehabel pa tur studiante sigui monitor nan salud di cerca y pa meld cualkier sintoma cu ta cuadra cu sintomanan di Covid-19. Tambe ta importante pa evita lugarnan publico y pa sigui aplica tur e reglanan di hygiena y distanciamento social.