Awe mainta despues di 7:00am, Polis a yega den Caya Ernesto Harms (Ex Lagoenweg) banda di Digicel, pa un auto laga atras cu bahul habri. Ta trata aki di un auto marca Chevrolet modelo Vivant cu number A-72190. A avisa Polis cu tabatin un choller cla pa horta tur locual tin den e auto laga atras eynan.
Na momento cu Polis a yega, berdad a constata cu e auto tabata cu bahul habri y cu tabatin pertenencianan saca afo poni un banda cla pa bay cu nan. Polis a pone tur cos bek den e auto mientras cu a cera e portanan tambe cu pa colmo tabata habri.
Pero pa evita cu despues toch lo kibra bentana y horta tur cos, a opta pa miho yama un Takelwagen y hiba e vehiculo na un luga mas sigur. E doño lo por reclam’e na Warda di Polis cu tur e documentonan necesario di e auto.
