Mundialmente tin mas o menos 177.000 persona cu a fayece door di e Coronavirus cu a bin for di China, aunke cu e cantidad lo ta mas.
Den un periodo di dos siman e cantidad di morto a bira dobel. Mas o menos 2.5 miyon persona ta contagia cu e virus aki. Na Erasmus MC a trata e prome 10 pashentnan den e studio di ConCoViD y nan ta traha cu otro 15 centro na Hulanda.
Den e investigacion aki a duna plasma di sanger na pashentnan di Coronavirus. E plasma ta bin di donantenan cu a recupera di Covid-19 y a crea anticuerpo contra e virus.
E investigacion cientifico tin cu mustra e administracion di plasma cu anticuerpo por influi den e curso di enfermedad. E estudio ta un colaboracion cu e bloedbank Sanquin y ta involvi 426 pashent. Esnan infecta cu e virus generalmente ta acumula anticuerpo cu ta bay den e bloedplasma. E anticuerpo di pashentnan di Coronavirus recupera por yuda pashentnan malo eliminando e virus mas lihe via e administracion di bloedplasma.
Un estudio reciente di Erasmus MC ta mustra cu realmente e macaconan ta produci e tipo di anticuerponan protector. E analisis di plasma di e prome 30 donante ta mustra cu mayoria di nan ta produci e anticuerponan dos siman despues cu e enfermedad caba.
Desde cu a busca donantenan den luna di maart, mas di 3 mil persona a registra. Ademas di Erasmus MC, e prome otro hospitalnan, Maasstad Hospital y Zorgsaam tambe a cuminsa e siman aki y mas lo sigui. E obhetivo ta pa logra cu 426 pashent participa y tin un contesta a corto plazo si plasma ta un tratamento p’e pashentnan cu Coronavirus.
