Tabata alrededor di 11:30 pm ora cu polis a bay atende cu un problema di pareha na Primavera. Nan tabata discuti formalmente cu grito nan fuerte cu a spanta henter bario. Na yegada di polis a topa cu un hende homber y un hende muhe basta histerico.
Polis a purba intermedia pero e hende homber tabata cu tono basta halsa, e no tabata coopera cu e agentenan y na dado momento hasta tabata purba di los algun palabra di insulto. Mirando su actitud y falt’i cooperacion a opta pa deten’e y transport’e pa ward’i polis caminda tur cos ta mustra cu e lo pasa e proximo oranan tras di tralie.
