Un discusion por poco a termina cu supuesto sacament’i arma. Tabata alrededor di 7:00 pm ora cu polis a presenta cu urgencia den Nieuwstraat na Playa p’un persona cu kier saca un arma di candela y tira, a menasa cu; si pompa cu ne lo wak kico ta pasa.
Na yegada di polis a topa cu e homber den cura di cas. No ta conoci e motibo prinicipal di e discusion. E homber cu a menasa a bisa polis cu; e no tin arma riba dje. Pues mas bien a tira un blof cu a salie caro.
A deten’e pa menasa y transport’e pa ward’i polis caminda lo present’e dilanti un subfiscal.