Desde awe, dia 2 di januari, e nombernan di e proximo Gabinete Rutte IV ta conoci y tur integrante di e gobierno nobo tin cu presenta dilanti di Rey Willem-Alexander pa nan huramentacion.
Pa awo, formado Mark Rutte ta ricibi cada un di e ministernan di e diferente partidonan, esta VVD, D66, CDA y ChristenUnie, un pa un, prome cu nan presenta dilanti di e monarca.
Cu formacion di e gobierno nobo aki tambe p’e paisnan di reino den Caribe conoce un secretario di estado nobo. Prome tabata Raymond Knops, kende tabatin e funcion aki. Awo e lo ta den man di Alexandra van Huffelen.
Van Huffelen tabata director di Gemeentelijk Vervoersbedrijf Amsterdam (GVB) desde 2014. For di 2010 pa 2014, e tabata consehero na Rotterdam representando D66, cu sostenibilidad y transporte publico den su cartera, entre otro cos. Na 2019, a scoge como miembro di Eerste Kamer pa D66.
Alexandra tabata e prome hende muhe miembro di gobierno den e ministerio di finansa. Su principal tarea tabata yuda e mayornan cu tabata victima di e famoso ‘kindertoeslagen affaire’. Tambe e mester establece un sistema nobo di beneficio.
DEMAS MIEMBRO DI GABINETE NOBO
Siguientemente ta presenta nomber di e ministernan di Gabinete Rutte IV:
Ministerio di Asunto General (AZ)
Mark Rutte (VVD), Prome Ministro
Ministerio di Asunto Exterior (Buza)
Wopke Hoekstra (CDA), Minister di Asunto Exterior
Liesje Schreinemacher (VVD), Minister di Comercio Exterior y Cooperacion na Desaroyo.
Ministerio di Husticia y Siguridad (J&V)
Dilan Yeşilgöz (VVD), Minister di Husticia y Siguridad
Franc Weerwind (D66), Minister di Proteccion Huridico
Eric van der Burg (VVD), Secretario di Estado di Asilo y Migracion
Ministerio di Interior y Relacion di Reino (BZK)
Hanke Bruins Slot (CDA), Minister di Interior y Relacion di Reino
Hugo de Jonge (CDA), Minister di Vivienda y Ordenanza Teritorial
Alexandra van Huffelen (D66), Secretario di Estado di Relacion di Reino y Digitalisacion
Ministerio di Educacion, Cultura y Ciencia (OCW)
Robbert Dijkgraaf (D66), Minister di Educacion, Cultura y Ciencia
Dennis Wiersma (VVD), Minister di Educacion Primario y Secundario
Gunay Uslu (D66), Secretario di Estado di Cultura y Medio di Comunicacion
Ministerio di Finansa (FIN)
Sigrid Kaag (D66), Minister di Finansa
Marnix van Rij (CDA), Secretario di Estado di Fiscalidad (Fiscaliteit)
Aukje de Vries (VVD), Secretario di Estado di Impuesto y Duana
Ministerio di Defensa (DEF)
Kajsa Ollongren (D66), Minister di Defensa
Christophe van der Maat (VVD), Secretario di Estado di Defensa
Ministerio di Infrastructura y Maneho di Awa (Waterstaat) (I&W)
Mark Harbers (VVD), Minister di Infrastructura y Maneho di Awa
Vivianne Heijnen (CDA), Secretario di Estado di Infrastructura y Maneho di Awa
Ministerio di Economia (EZ)
Micky Adriaansens (VVD), Minister di Economia y Cambio Climatico
Rob Jetten (D66), Minister di Clima y Energia
Hans Vijlbrief (D66), Secretario di Estado di Mina
Ministerio di Agricultura, Naturalesa y Calidad Alimentario (LNV)
Henk Staghouwer (CU), Minister di Agricultura, Naturalesa y Calidad Alimentario
Christianne van der Wal (VVD), Minister di Naturalesa y Nitrogeno (stikstof)
Ministerio di Asunto Social y Trabao (SZW)
Karien van Gennip (CDA), Minister di Asunto Social y Trabao
Carola Schouten (CU), Minister di Maneho di Pobresa, Participacion y Pensioen
Ministerio di Salubridad, Bienestar y Deporte (VWS)
Ernst Kuipers (D66), Minister di Salubridad, Bienestar y Deporte
Conny Helder (VVD), Minister di Cuido y Deporte
Maarten van Ooijen (CU), Secretario di Estado di Hubentud y Prevencion
