E programa di cambia y spaar punto mas grandi den Caribe ta keda innova. Clientenan cu tin e ultimo ‘update’ di e App gratis di Fun Miles awor por uza nan telefon como nan carchi tambe. Nan por scan e barcode facilmente cerca e cahera na cualkier partner di Fun Miles. E sistema practico aki actualmente ta unicamente accesibel na Kooyman Megastore. Tene cuenta cu por solamente spaar punto via di e sistema aki. Pronto mas partner di Fun Miles lo ofrece e sistema nobo aki, mescos tambe lo haci posibel pa cambia punto via di bo telefon cu e App di Fun Miles.
Moderno, practico y gratis
E carchi di Fun Miles riba bo pantaya di telefon no ta unicamente moderno, sino tambe masha practico. Si bo a lubida bo carchi di Fun Miles na cas, bo por uza bo telefon y no ta perde niun oportunidad di spaar bo puntonan. Por download e App di Fun Miles gratis pa iOS y Android.
Un App yen di fun y funcionalidad
Aña pasa e Fun Miles App a ricibi un diseño completamente nobo combina cu varios funcionalidad moderno. Miembronan di Fun Miles ta uza nan App constantemente pa mira nan saldo y ofertanan cu partnernan di Fun Miles tin. Ademas, e ta contene informacion valioso di Fun Miles y su partnernan.
Introduccion di tecnologia na Kooyman Megastore
Cu e barcode den e App ta bira posibel pa spaar Fun Miles na tur Kooyman Megastore den Caribe (excluyendo Kooyman drive-thru). Pronto mas partner di Fun Miles lo ofrece e oportunidad di spaar punto haciendo uzo di e barcode. Fun Miles ta masha contento cu e innovacion aki, cu den un corto plaso lo bay limita uzo di e carchinan di plastic y asina contribui tambe na nos medioambiente.
Tocante Fun Miles
Miembronan di Fun Miles ta disfruta continuamente di oferta, promocion y eventonan espectacular.
Si bo no kier perde e ‘fun’ sigui nos riba social media, bishita funmiles.net of download e App di Fun Miles.
Mas informacion tocante Fun Miles?
Tuma contacto cu Customer Service na number 588 9947, bishita funmiles.net of facebook.com/funmiles.
