Awe mainta ora empleadonan a yega pa habri minimarket Prikichi situa den Steenweg, a constata cu e rolluik ta kibra. “Mal forma pa habri siman”, asina e doño a bisa nos un rato pasa. Mesora el a ripara cu ladron a drenta su negoshi y a horta.
Paden a topa cu e caha di placa habri y patras di e balie tabata tur reboltia. A bay mira grabacion di e camara di siguridad y a mira claramente cu un ladron a drenta e supermercado den marduga y a horta placa di cambio cu a keda den e caha. Tambe por mira con e ladron ta horta carchi di celular.
Cuanto placa a bay cu ne of cuanto carchi di celular, no sa ainda. A yama polis na e sitio pa por check e pruebanan y na mes momento tuma keho di e victima.
