Awe tempran mainta un peaton a bira victima di un cacho cu a subi caya atak’e den area di Ponton. Tin un Ley di Cacho cu ta bisa cu e bestianan domestico aki mester ta den cura di cas, pero asina mes tin hopi problema cu cachonan canando riba caya. Y esaki ta uno cu aparentemente a sali for di cura di cas y ataca un homber, den careda di 8’or di mainta.
Tabata trata di un cacho chikito, pero cu a bula di forma sorpresivo riba e peaton, y morde na su pia. E peaton tabata bayendo su trabou, canando trankil. Polis cu a bay na e sitio a bay na e cas en cuestion, pero parce cu no tin hende na cas.
