Dilanti di Corte adictonan ambulante ta drumi, pero no ta eynan so. Adicto ambulante Budin ta drumi diferente caminda. Pa e por sobrevivi riba caya, e ta traha.
Segun Budin, un biaha pa siman e ta haci limpi na botica pero no ta pag’e. E ta di pensamento cu niun gobierno no ta yuda su pueblo, por ehempel na paisnan Latino cu tin mas entrada cu otro pais. Pero asina mes e hendenan ta sali for di nan pais y bay na un otro pa por traha, mantene nan mes y nan famia. Esey ta bin pa motibo cu no tin suficiente trabou. E sa kico tur ta pasa na Aruba y un di e cosnan cu e pais no tin ta produccion. Loke a yega den gobierno su man ta bin di comerciante y turismo.
Adicto ambulante Maxilon ta drumi dilanti corte y ta conseha aunke cu e virus ta bin pa Aruba, pa tur hende resa Salmo 61, bebe hopi koffie pasobra esaki ta un antibiotica y p’e muchanan tin yerba di hole y te. E ta di pensamento cu no mester tin miedo di e virus. Pa loke ta habri frontera, e no ta di acuerdo cu Minister President mester a habri esaki ainda.
E ta drumi dilanti di corte pa asina dia 17 di september e por splica hues cu tur adicto ta ser humano. Maxilon tin cu presenta dilanti hues, pasobra el a skirbi un mensahe di vota wat wel riba muraya. El a haci esey pasobra nan a bis’e tin cu yama pa un afspraak pero a habri e frontera. Esey kiermen habri porta di Censo y lag’e bay paden pa busca su cedula.
E adictonan ambulante sa kico tur ta pasando y ta drumi den e virus. E kier sa unda e vraagteken di e ley a keda. Tin hende a pleita pa nan luga keda habri, pero e no por drumi den un luga y esaki ta pa motibo di ta cera, scur y yen clabo.
