E prijs pa e masknan desechabel ta aumentando online na medida cu e Mericanonan ta prepara pa un brote cada biaha mas grandi di Coronavirus. E demanda di e consumido pa e accesorio medico parce ta aumentando, hasta ora cu e funcionarionan di Gobierno ta bisa cu e personanan sano no mester uza e masknan aki.
Entrante diaranson atardi, Amazon a bende un gran cantidad di variedad di e masknan. Keepa, cu ta sigui e prijs di e articulonan bendi riba Amazon, ta mustra cu un paki di 10 respirator 3M N95 cu a bende pa US$ 18.20 aproximadamente un luna pasa, awo ta costa US$ 99.99.
Y un bendedo di Amazon ta ofreciendo un paki di 30 respirator 3M N95 pa US$ 198.98. Riba eBay, un paki di dos mask facial N95 di 3M ta disponibel pa US$ 59,99. Otro negoshinan chikito sa bende un paar di mask pa por lo menos US$ 6, pero actualmente no tin disponibel.
Un cliente di Amazon a bisa CBS MoneyWatch cu a cumpra 100 mask respiratorio 3M N95, e siman aki pa US$ 10 cada un, gastando un total di mil dollar, un indicacion di e ansiedad creciente di e consumidonan riba e riesgo di pega cu Coronavirus na Merca.
