Ayera mainta Minister Presidente di Sint Maarten, Silveria Jacobs, a presidi un reunion special di Conseho di Minister, cu representantenan di otro Ministerionan, como tambe otro stakeholdernan manera Port St. Maarten, Princess Juliana International Airport (SXM Airport) y St. Maarten Medical Center (SMMC). A yama e reunion aki pa haya un update riba e preparacion nacional di e pais y un response plan pa Coronavirus COVID-19.
Na mes momento, esunnan presente den e reunion a ricibi un update for di e representante di SXM Airport riba nan plan pa deal cu dos Frances cu a clasifica como casonan sospechoso di Coronavirus COVID-19.
Collective Prevention Services (CPS), un departamento di e Ministerio di Salud Publico, Desaroyo Social y Labor (Ministerio VSA), tambe a informa di e casonan sospechoso y tin contacto regular cu autoridadnan di salud di French St. Martin, mientras ta wardando informacion oficial riba e situacion di e pareha. Asina cu e informacion aki ta disponibel, lo informa comunidad. CPS lo sigui traha hopi di cerca cu waf y aeropuerto pa asina garantisa siguridad di salud publico.
Manera hopi pais, Sint Maarten ta monitoria e progreso di COVID-19 y Ministerio di VSA ta sigui traha riba medidanan di preparacion y nan response plan.
