E CPI pa luna di maart 2024 ta 109.37, loke ta representa un subida di 0.7% compara cu e indice di februari 2024 (108.57). E cambio di e CPI pa e ultimo diesdos (12) lunanan (maart 2023 te cu maart 2024) ta 1.8%, un caida di 4.1 punto di porcentahe (ppt) compara cu e periodo corespondiente di aña pasa (5.9%).
E promedio anual (ultimo 24 luna) di e tasa di inflacion pa e periodonan di maart 2021 te cu maart 2022 y maart 2023 te cu maart 2024 ta 2.1%, un caida di 4.1 ppt compara cu e 6.2% registra den e periodonan di maart 2020 te cu maart 2021 y maart 2022 te cu maart 2023.
Durante e luna aki, ocho (8) di e diesdos (12) sectornan a registra subida di prijs. E subidanan cu tawata tin e mayor efecto riba e CPI a registra pa e sectornan di “Transporte” (1.8%), “Recreacion y cultura” (2.3%) y “Paña y sapato” (7.3%), causando un efecto di respectivamente, 0.23, 0.21 y 0.17 ppt. E subidanan den e restante sectornan a contribui cu un efecto di 0.19 ppt riba e CPI di maart 2024. CPI (BASE JUN 2019 = 100) Inflacion Promedio anual (24 luna) 2.1% maart-2024 E subidanan aki a wordo contraresta parcialmente door di principalmente un caida den e indice di e sector di “Salud” (-2.0%) cu a contribui cu un efecto di -0.04 ppt riba e CPI di maart 2024.
E caidanan den e sectornan restante a contribui cu un efecto insignificante riba e CPI di maart 2024. E subida den e sector di “Transporte” a wordo causa principalmente door di un subida di 2.4% den e categoria “Gasto relaciona cu uso di vehiculo di transporte personal”, causando un efecto di 0.20 ppt.
E subida den e sector di “Recreacion y cultura” a wordo causa principalmente door di un subida den e categoria “Vacacion” (5.7%), causando un efecto di 0.14 ppt. E subida den e sector di “Paña y sapato” ta causa principalmente door di un subida di 8.9% den e categoria “Paña”, causando un efecto di 0.16 ppt. E caida den e sector di “Salud” ta causa principalmente door di un caida den e categoria “Producto, aparatonan y ekipo medico” (-3.9%), causando un efecto di -0.06 ppt.
Canasta di consumo
E canasta di consumo di e CPI ta consisti di 408 bienes y servicionan. Compara cu februari 2024, 47.8% di e bienes y servicionan aki a conoce un aumento di prijs causando un efecto di 1.16 ppt, mientras cu 34.3% ta mustra un caida di prijs, cu a contribui cu un efecto di -0.42 ppt y pa e restante 17.9% no tawata tin cambio den prijs.
Prijsnan di bienes (0.7%) y servicionan (0.8%) a subi y a causa un efecto di respectivamente, 0.39 y 0.34 ppt riba e CPI di maart 2024.
