Presidente Evo Morales ta uni su mes na bomberonan pa lucha contra candelanan di mondi na Bolivia

Presidente di Bolivia, Evo Morales, a uni su mes na e bomberonan na Santa Rosa diamars pa yuda e team combati candelanan di mondi, na momento cu e pais ta luchando pa contene e vlamnan rond Bolivia.

E vlamnan ta kimando sin para riba un area grandi di area montañoso y di sabana cerca di e frontera di Bolivia cu Paraguay y Brazil. Por lo menos un hectarea, o sea aproximadamente 3.800 miya cuadra, a keda impacta pa e candela, segun autoridadnan.  Siman pasa Bolivia a contrata un “supertanker” Boeing 747 di Merca pa yuda combati e candela, y a mobilisa mas cu 2000 bombero, como tambe navenan chikito y helicopter.

 

Pero e area afecta pa e candela a bira dobel di loke e tabata siman pasa diahuebs.
Miles di candela di mondi tambe ta avansando pa e amazona Brasileño, e selva mas mas grandi di mundo. E vlamnan a casi duplica e aña’ki en comparacion cu e mesun periodo di 2018, loke a causa indignacion mundialmente.