Recharge Institute & Fitness Center dialuna den oranan di atardi tabatin su re-apertura den e bario di Piedra Plat. E instalacionnan aki ta situa net patras di e veld di Britannia.
Gregory Milliard ta conoci pa su logronan riba tereno di MMA pero tambe pa su prestigioso Milliard MMA-Academy Aruba cu awo a cambia di nomber pa Recharge Institute & Fitness Center. Den e instalacion aki ta bay training pa mucha te cu adulto grandi, cu diferente tipo di les. Tin lesnan special y dirigi riba 60+.
Ademas di e parti ey tin un area unda cu e muchanan por sinta pa haci nan ehercicio, sperando pa momento cu nan lesnan den e gym cuminsa. Tin e servicio di recoge e muchanan na scol tambe pa esaki. Den e instituto tin potret di e idolonan y esunnan mas grandi den MMA.
Milliard a splica cu tin seccion pa crossfit y fitness, baño pa e miembronan, camber di masashi, y parti pafo a crea un lounge area cu lo ofrece tur cos saludabel. Si bo no ta miembro mes por sinta bebe algo saludabel eynan. Por haya nan riba e rednan social of manda mensahe na 5942314 / 7342314.