Diabierna awo dia 22 di April, ta cuminsa e temporada di mas nervio, emocion, tension, alegria, decepcion, suerte y hilaridad. Un total di 64 team a inscribi y ta bay desfila den e Campeonato di Mens Erger Je Niet LIVE 2022. Lo tuma luga na Centro di Bario Brazil.
Atencion na fecha y orario:
E apertura di e campeonato ta cuminsa cu e famoso y bunita, colorido desfile pa 7:30pm Exacto! Corda bin cu algo cu ta identifica bo team. Ta bay tin un premio pa e team cu mas buya.
E prome 4 team cu lo hunga despues di e desfile ta: Pasa Dushi Pasa Pret, Mete La Pata, Dynamite y Chipi Chipi Tin’e.
E temporada di hopi nervio, emocion, tension, alegria, decepcion, suerte y hilaridad ta cuminsa atrobe, anto riba Dia mundial /Earth Day. Esunnan cu no a yega di presencia e wega aki ainda, lo ta ideal e biaha aki si pa tey na Centro di Bario Brazil. Wega lo ta tur diabierna y diasabra durante 3 luna di e campeonato. Pa mas informacion por tuma contacto cu Eddie na: 566-2208.
