Danza Aruba tambe ta uni su mes na e gran celebracion di Dia di Rincon aya na nos isla ruman, Boneiro.
Ceslin Yarzagaray, instructor a indica cu Danza Aruba tambe a bin celebra cu e caluroso pueblo di Boneiro dia grandi di Dia di Rincon, den su 35 aña. Nan lo ta participando den e paradanan y tambe nan lo tin algun presentacion, prome cu e gran parada.
E tipico cu lo compaña nan ta Tipico Bachi Bachi, directamente for di Hulanda. Esaki no ta e prome biaha cu nan ta celebra Dia di Rincon. Anteriormente ya caba nan a bin den tres biaha cu nan ta bin pa Dia di Rincon. Nan a bin na 2015 y tambe na 2018, pero e tempo ey nan a bin cu solamente ocho persona y e biaha aki nan a bin c’un grupo di binti persona.
Mas aleu, Yarzagaray a conta cu nan training tabata tuma luga riba Plaza Betico, ya cu su cas no tabata yega pa tur hende, ya cu nan ta basta bailarina, diesseis en total. P’e biahe pa Boneiro, nan a bin cu tur diesseis mas algun hende extra cu a bin compaña nan. E ta gusta Dia di Rincon masha hopi mes y sigur nan lo sigui participa den e celebracionnan aki. “E ta un experiencia masha dushi mes,” Yarzagaray a expresa.
E lo bay check cu su bailadonan, ken ta desea di bin Rincon y e ora kisas lo bin bek, pero c’un grupo mas chikito si. Pa yega y participa den Dia di Rincon no ta facil, mester traha hopi duro pa por hacie un realidad.
Por ultimo, Danza Aruba a gradici un y tur cu a yuda nan haci e baile aki posibel, cada un cu a yuda pega un perla.
“Ta ken nos ta, ta ken nos ta?” Danza Aruba!
